ان المساجد للہ

بسم اللہ الرحمن الرحیم

مکتوب خادم

اَنَّ الْمَسٰجِدَ لِلّٰهِ

السلام علیکم ورحمة اللہ وبرکاته..

اللہ تعالی ہمیں مرتے دم تک...دین کا کام اور دین کی خدمت کی توفیق عطاء فرمائیں..نہ وقفہ..نہ چھٹی..نہ تھکاوٹ، نہ اکتاہٹ...زندگی تو گزرتی جا رہی ہے..دو طرفہ سفر مسلسل جاری ہے..ہم قبر کی طرف جا رہے ہیں..اور قبر ہماری طرف آرہی ہے...

ہم سو رہے ہوں یا جاگ رہے ہوں..کام کر رہے ہوں یا بےکار پڑے ہوں..قبر کی طرف ہمارا سفر ایک لمحہ نہیں رکتا....اس لیے جو دین کے کام سے رک جائے وہ خسارے میں چلا جاتا ہے....کافروں نے محنت کی وہ پوری دنیا پر چھا گئے..ہم سوتے رہ گئے..تھکتے رہ گئے..ڈرتے رہ گئے..اور باتیں کرتے رہ گئے..آج کوئی دن ایسا نہیں گزرتا جس میں وہ ہمارے بچوں اور عورتوں کو قتل نہ کرتے ہوں..دوسری طرف ہم مسلمانوں کا ہر ملک ظلم اور فساد سے بھر گیا..گلی گلی چور..ہر جگہ ڈاکے..حضرت محمد صلی اللہ علیہ وسلم کی پیاری امت کو گدھے اور کتے کا گوشت کھلانے والے منافق..اور ڈرپوک حکمران..ان حالات کے باوجود..الحمدللہ مایوسی نہیں ہے..اللہ تعالی پر یقین ہے کہ حالات بدلیں گے اور زمین پھر اسلام و ایمان کے نور سے جگمگائے گی..یاد رکھیں ”مساجد“ ہمارے لیے ”امید کی روشنی“ ہیں..مساجد ہماری ”اصلاح گاہیں“ ہیں..مساجد ہماری ”اجتماعیت“ کی ضمانت ہیں..مساجد ہماری ”روایات“ کی حفاظت ہیں..مساجد ہماری ”قوت“ کی آماجگاہیں ہیں..اور مساجد ہماری ”بقاء“ کی ضمانت ہیں..اس لیے بے خوف ہو کر..پوری جان لگا کر ”مساجد“ کی محنت کریں..نہ تھکیں، نہ اکتائیں..نہ وقفہ کریں، نہ چھٹی کریں..یہ مساجد کسی کی ذاتی ملکیت نہیں ہیں..یہ اللہ تعالی کی ہیں..اور اللہ تعالی ہی ملک اور دنیا کے مالک ہیں..ایک طرف وہ لوگ ہیں جو اس ملک کو ظلم، گناہ، فساد، رشوت، سود اور حرام سے بھر رہے ہیں..دوسری طرف آپ لوگ ہیں جو اس ملک کو مسجد، نماز، اذان، کلمہ طیبہ، درود شریف.....اور تسبیح و استغفار سے منور کرنے کی محنت کر رہے ہیں....شیطان کے کارندے نہیں تھکتے وہ ہر دن برائی پھیلاتے ہیں تو رحمان کے بندے کیوں تھکیں؟ کیوں رکیں؟

کل کیا ہوگا؟ ہم نہیں جانتے نہ ہم اس کے مکلف ہیں..ہمارے پاس ہمارا آج کا دن ہے..اس دن میں زمین پر ایمان کے جتنے پھول، جتنے چراغ روشن کر سکتے ہیں کر لیں..زمین کے نیچے اور آسمان کے اوپر یہی ہمارے کام آئیں گے ان شاءاللہ..

والسلام

خادم.....

لااله الاالله محمد رسول الله