محبوبانہ اداؤں والا

بسم اللہ الرحمٰن الرحیم

مکتوب خادم

محبوبانہ اداؤں والا

السلام عليكم ورحمه الله وبركاته

اللہ تعالیٰ کی شان دیکھیں… جس نے *”ابو عبیدہ“* جیسے پیارے،  محبوب، بہادر اور عجیب بندے پیدا فرمائے……

یا اللہ! اُمت کے آنسو خشک ہی نہیں ہو رہے… معلوم نہیں کتنے لوگ رو رہے ہیں اُس ”نقاب والے“ سپاہی کو…اُس شیروں کی چال چلنے والے ”مجاہد“ کو……

یا اللہ آپ کا شکر ہے کہ آپ نے ہمیں… اپنے ایسے محبوب بندوں کا زمانہ نصیب فرمایا… میں *”ابو عبیدہ“* پر بہت کچھ لکھنا چاہتا ہوں… مگر وہ آنکھوں کے سامنے سے ہٹتے ہی نہیں کہ… کچھ لکھ سکوں… قرآن مجید میں ارشاد فرمایا کہ… ہم نے موسیٰ علیہ الصلوٰۃ والسلام پر اپنی محبت ڈال دی تھی…:-

”وَأَلْقَيْتُ عَلَيْكَ مَحَبَّةً مِّنِّي“

*”ابو عبیدہ“* کو بھی اُمید ہے… یہی نعمت ملی… اُنکی محبوبانہ ادائیں تو دیکھیں…یہ رب کی عطاء کے بغیر کہاں مل سکتی ہیں؟…شہادت بھی محبت والی اداؤں سے بھرپور……اپنی ہم سفر کا ہاتھ تھاما… بیٹیوں کو سینے میں چھپایا… بیٹے کی انگلی پکڑی… اُمت مسلمہ کی طرف مسکرا کر دیکھا……اور رب کی رحمتوں میں گم ہو گیا… *”ابو عبیدہ“* کے ایک روحانی دوست نے ان کی اصل تصویر پر لکھ دیا…

”بے حجابانہ وہ سامنے آگئے“……

یہ پڑھتے ہی پھر آنکھیں بھیگ گئیں… اور یہ پوری نظم نہایت سلیقے سے *”ابو عبیدہ“* کی زندگی اور شان پر منطبق ہوتی گئی…

”میرے رشک قمر تو نے پہلی نظر“……

میں سوچ رہا ہوں کہ اللہ تعالیٰ نے اپنے جس بندے کو دنیا میں اتنی ”محبت“ اور ”عزیمت“ عطاء فرمائی تھی…اب جب وہ بندہ اللہ تعالیٰ کے حضور پیش ہوا ہوگا تو… اللہ تعالیٰ نے اُس پر اپنی کتنی محبت برسائی ہوگی.

”مثالی محبت“ کا یہ نسخہ آسان نہیں ہے…اس کے لیے بڑی محنت… بڑی قربانی، بڑا اخلاص… اور بڑا دل چاہیے… یہ اُن کو نہیں ملتی جو لوگوں کے ”محبوب“ بننا چاہتے ہیں… یہ اُن کو ملتی ہے جو اللہ تعالیٰ کے سوا کسی سے کچھ بھی نہیں چاہتے……

او نیتن یاہو! دنیا کو اپنی "بدبو" اور تاریکی سے بھرنے والے… تو کتنا بد نصیب ہے کہ… *”ابو عبیدہ“* جیسے فرشتہ صفت، ولی، صدیق، شہید کا خون بھی… تیرے سر لکھا گیا……

والسلام

خادم

لا الہ الا اللہ محمد رسول اللہ